Euskal Herria

Anitzak ekimenari buruz

XX. mendeko50-60.go hamarkadetan estatuko beste herrietatik eta gaur egun estatu kanpotik Euskal Herrira etortzen ari diren etorkinak “Anitzak” (gazteleraz”plurales”) izeneko ekimena sortu berri dute. Izenak dioen legez, gure herriko geografi eremuan zabaldurik dauden etorkinez osaturik dago, beraien desberdintasun ideologiko eta kulturalekin. Anitzaken helburu nagusia, Euskal Herriak historikoki bizi duen gatazka politikoa konpontzea da, horren ildotik ekarpenak helaraziz. Badakigu, Euskal Herriak bizi duen gatazkak, estatu espainiarrarekiko eta frantziarrarekiko gure herriak duen kokapen falta datzala.

Email Nondik:
Bidali izenarekin:
Email nora:
Bidali.

Ibai Arrola para kimetz

Ildo horri helduta, etorkinak konturatzen dira beraien herrialdetatik ihes egiteko bi arrazoi daudela: batetik errepresio politiko eta kulturalagatik, bestetik lan eta ekonomi arazaoak direla eta. Beraz, etorkin gehienak gutxietsitako klase sozialeko kideak dira. Ekimen honetako kideen ustetan, behartuta sentitzen dira Euskal Herriarekiko elkartasuna eta eskuzabaltasuna adieraztera eta espero dute guk ere berdintsu jokatzea.

Anitzak osatzen dutenek usten dute baita ere gatazka konpontzeko beharrezkoa dela ETAk atentatuak alde batera uztea eta halaber estatuek prozesua berriz irekitzeko, distentsio neurriak hartu behar dituztela, batzuk legezkoak, adibidez preso politikoen hurbilketa. Horretan kokatuz, balore demokratiko unibertsaletan oinarritutako dokumentua plazaratu dute hiru puntutan zutituta:

1. “Konpromezu bikoitz batean gaude: alde batetik gure identitate eta sustraien mantentzea, bestetik Euskal Herria bezalako herrialde batetan bizitzeak dakarrena, hau da, herri honek bere kultura garatzeko daraman exenplua. Euskal emakume eta gizonak gurekiko jende adeitsuak eta irekiak dira, beraiekin ogia, etxea, lana, eta familia konpartitzen dugu; gure aldetik ikusten dugu nolatan dagoen benetazko herrien arteko aniztasun eta zentsu internazionalista”.

2. “Adierazitakoaren arabera, normalkuntza politikarako prozesuaren alde egiten dugu. Gure ustetan, honako baloreetan oinarritu beharko lirateke prozesu hau: aniztasunari, giza eskubideei eta nazio identitateari errespetua, baita ere Autodeterminazio eskubideari eta herritarren erabaki libreari”.

3. “Gure eskuetan dagoen heinean, jatorrizko komunitate eta herrietan zehar gatazkaren benetazko iturria, euskal gizartearen gehiengoaren nahiak betetzeko eta soluzio demokratikoa lortzeko, mezua zabaltzen saiatuko gara”.

Helburu hauek kontutan hartuz, lehenengo eta behin, euskal komunismo iraultzailetik positibotzat hartzen dugu etorkinek arazoari eskutik heldu izatea; honela Barajasko atentatuaren ostean (bi ekuatoriar hil ziren) bi alderdi inperialista nagusiek PSOE eta PP faxista) etorkinekiko erabili zuten manipulazioari aurre egiten diote. Hala eta gustiz ere, etorkinek beste pauso batzuk beharko lituzkete: alde batetik euskal gizartean, burgesia nazionala eta burgesia inperialistak langile autoktonoen eta estatu espainiarreko beste herrietatik etorritakoen artean zabaltzen saiaten diren behin betikoz ahaztea eta elkarri eskuak ematea klaseko etsaiaren aurka.

Bestetik, estatuen etortzen direnei eskua zabaldu eta langile euskal herritar bezala hartu behar diegu bertakoak, beraiek gure kultura eta arazo nazionala eta soziala haintzakotzat hartu behar dute kultura ezberdinen arteko integrazioa eman dadin. Hau esanda gero, denok elkarturik, bai bertakoak eta bai kanpotarrak euskal proletargoaren eta klase herrikoien alderdiaren gidaritzapean gure herriaren askatasun nazional eta soziala lortu behar dugu estatu sozialista bat garatzeko, herri hau iraultza internazionalaren oinarri izan behar da eta horretarako beharrezkoa da herriak borroka eta gizarteko esparru desberdinak bere gain hartzea.


           

Iruzkien grabaketa desaktibatuta dago (kimetz kolektiboa).

Iruzkien grabaketa desaktibatuta izan da moderazio arauak ez betetzeagaitik.