Sunday, May 3, 2009
Euskal Herria
Bilgune Feministak abortatzeko eskubidea aldarrikatuko du martxoaren 8an
Martxoaren 8a hurbiltzen ari den honetan, berriz ere kezkaz eta aldarrikapenez beterik gatoz. Zoritxarrez beste behin gure herrietako emakumeen egoeraz kezkaturik kalera atera beharrean gaude. Emakumeon eskubideen alde kalera ateratzeko beharra berriro ere agerian geratzen ari da.
Emakumeak bigarren mailako hiritar izaten jarraitzen dugu 2009an eta eskubide mordoxka ditugu oraindik orain aitortzeke: soldata baxuagoak jasotzen jarraitzen dugu, erabaki postuetarako sarbidea malkarrez josia dago oraindik guretzat, jendarte eredu hierarkizatuak pareko harremanak izatea galarazten digu, ez dugu gure gorputzaren inguruko erabakiak libreki hartzeko aukerarik?
Gure irakurketaren oinarriak ez dira aldatu, aitzitik azken hilabeteetan are gehiago gogortu ere egin dira. Sistema patriarkalak eta honen tresneria mugatzaileak antolatutako ereduaren araberako bizitza eramatera mugatuta gaude. Berdintasunaren diskurtsoaz bete dituzte aho eta paperak, baina azken urteetan aldaketa eman dela esaten diguten arren, funtsean ezer gutxi aldatu dela agerikoa dugu oraindik. Arreta pixka bat jartzea nahikoa da ulertzeko emakumeon kontrako indarkeria kasuak ez direla desagertzen ari, aitzitik gorakada pairatzen ari direla ikusteko. Krisiak emakumeok kolpatzen gaitu gogorren, geu baikara enplegu murgilduan eta lanpostu prekarioenetan lanean gabiltzanak.
Indarkeria kasu eta eraso larri askoren berri izan dugu: Donostiako Danborradan izandako erasoa, Irunen, Iruñean, Mari Puyren desagerpena… egunero komunikabideetan agertzen diren beste hainbat edota agertu gabe gelditzen direnak. ESKUBIDEA DUGU EMAKUME IZATEAGATIK GURE KONTRAKO BIOLENTZIARIK EZ JASATEKO.
Ikasturte honen hasieratik krisiaz mintzo da mundu osoa, emakumeok betidanik bizi izan dugun krisiaz. Sistemaren krisitzat, dugun honetan berriz ere emakumeok izango gara afektatuenak eta ahaztuenak, inor gutxi gogoratzen bada ere. Krisi honen ondorioak benetan larriak izango dira emakumeontzat bereziki. ESKUBIDEA DUGU LANA BALDINTZA DUINETAN IZATEKO
Martxoak 8 honetan baina, gure gorputzaren inguruko erabaki urriak izaten jarraitzen dugula aipatu nahi dugu bereziki, gure diskurtsoaren erdian kokatuz. Osakidetzak zein Osasunbideak lehentasunak markatzeko emakumeon iritzia kontuan hartu gabe, behar ote ditugun oso garbi izan gabe txertoak ematen dizkigu, horren ordez azterketa ginekologikoak egiteko zerbitzuak zabaldu eta behar errealetara egokitu beharrean.
Ezin dugu ahaztu abortuak delitua izaten jarraitzen duela estatu honetan jendarteak kontrakoa pentsatu arren. Honen erakusle dugu 2008an klinika abortistak guztien jomugan jarri, itxi eta bertan abortatutako emakumeak deklaratzera deitu izana.
Nahiz eta legeak osasun sare publikoan abortatu daitekeela adierazi, Hego Euskal Herriko osasun sare publiko osoak eskubide hau eragozten du, bertako langile guztien kontzientzia eragozpenaren bidez. Hortaz, osasun sare publikoak ez du abortatzeko eskubidea bermatzen, ezta legeak onartzen dituen hiru egoeretan ere.
Errealitatean, oztopo asko gainditu behar dira abortatu ahal izateko: arestian aipatutako oztopo legalez gain, oztopo ekonomikoak (%95?6 osasun sare pribatuan egiten dira) eta etika zein moralaren erabilera bikoitzak sortzen duen presio soziala aipatu ditzakegu.
Informazioa eta prebentzioari dagokionez, emakumeen arretarako zentroak itxi eta osasun sistemaren barruan sartzen ari dira eta honek jasotzen den zerbitzua mugatu eta ikuspegi guztiz kliniko batetik lantzea ekarriz eta heziketa sexuala ere honetara mugatuz. Honela, abortatu duten emakumeen %67,4a ez da inolako informazio zentrotara joan inoiz.
Egun, Euskal Herrian abortatzen dugun emakumeok delitugiletzat kontsideratuak gaude eta praktikan jartzen duten medikuak ere kritika oso zorrotzak jasotzen dituzte, emakumeon segurtasuna zalantzan jartzeko punturaino. Abortuen praktika asimilatutako egoera bat da, baina amatasunari uko egitea moralki onartezina da.
Bestetik, abortuen gehiengoa sare publikotik at egiteak baliabide eskasak dituzten emakumeak aukera honetatik kanpo uzten ditu.
Eraso berri hauen aurrean feminismotik minimoak kokatu eta atzera pausu bat ere ez emateko hautua egiten dugu. Euskal Emakumeon Eskubide Kartan kokatuak ditugun eskubideak ditugu helburu:
• Eskubidea gure identitate sexuala edozein izanda ere sexualitatea askatasunez bizitzeko.
• Eskubidea gure gorputzaren inguruan askatasunez erabakitzeko eta aukeratzeko.
• Eskubidea emakumeon beharrei erantzungo dien osasun zerbitzu erabatekoa eta publikoa izateko.
Eskubide hauek errealitate bihurtzeko ondorengo aldarrikapenak egin nahi ditugu:
• ABORTUA EZ DA DELITUA, ESKUBIDEA BAIZIK. Abortuaren despenalizazioa exijitzen dugu.
• ABORTUAK LIBRE ETA DOHAKOA IZAN BEHAR DU. Ama izan edo ez modu askean erabaki ahal izateko doakoa eta gizarte segurantzak babestua izan behar du. Osasun zentruetan eskubide hau bermatua izateko bitarteko guztiak jarri behar dira.
• GU ERDITZEN BAGARA ERABAKIAK ERE GUREAK IZAN BEHAR DU. Nola erditu nahi dugun eta gure gorputzaren gaineko kontrola eta erabakia geuk izatea exijitzen dugu. Erabaki hau ezin dute hartu ez Elizak, ez politikoek eta tribunal medikuek ere.
• SEXUALITATEA EZ DA AMATASUNA SOILIK. Pertsona orok dugu gure gorputzaz gozatzeko eskubidea eta ez da zertan erreprodukziora mugatu behar.
• HEZIKETA SEXUAL INTEGRALA BEHAR DUGU. Eredu heterosexista alboratu eta antisorgailuei buruzko informazioa soilik emateari utziz, sexu harreman anitz eta askeak sortzeko tresna izan behar du heziketak.
Estatu espainolean lantzen ari den proposamen berriaren aurrean berriz, lege proposamen bihurtu arte ezin dugu baloraziorik egin, gai ezberdinen inguruko gomendioak besterik ez baitira. Gainera, proposamen honek hobekuntzak ekarrita ere parlamentuak onartu egin behar ditu; lan zaila eskuina eta Eliza katolikoaren erasoaldiaren gogortzea atzematen dugun honetan. Adibidetzat, EAJ kanpainan emakumeen eskubideen alde ozen aritu ondoren, batzorde espainiarrean proposamen hau bozkatzean abstenitu izana. Hau da bai, dialektika eta praktika uztartzea!!!
Emakumeok gure gorputzen inguruko erabakiak askatasun osoz hartzeko aukera oinarrizko eskubidea da eta hauxe oihukatzera irtengo gara kalera martxoak 8 honetan. Emakumeok, irten gaitezen kalera gure eskubideen jabe garela aldarrikatzera.
Bilgune Feminista
2009 / 03 / 03
Gure irakurketaren oinarriak ez dira aldatu, aitzitik azken hilabeteetan are gehiago gogortu ere egin dira. Sistema patriarkalak eta honen tresneria mugatzaileak antolatutako ereduaren araberako bizitza eramatera mugatuta gaude. Berdintasunaren diskurtsoaz bete dituzte aho eta paperak, baina azken urteetan aldaketa eman dela esaten diguten arren, funtsean ezer gutxi aldatu dela agerikoa dugu oraindik. Arreta pixka bat jartzea nahikoa da ulertzeko emakumeon kontrako indarkeria kasuak ez direla desagertzen ari, aitzitik gorakada pairatzen ari direla ikusteko. Krisiak emakumeok kolpatzen gaitu gogorren, geu baikara enplegu murgilduan eta lanpostu prekarioenetan lanean gabiltzanak.
Indarkeria kasu eta eraso larri askoren berri izan dugu: Donostiako Danborradan izandako erasoa, Irunen, Iruñean, Mari Puyren desagerpena… egunero komunikabideetan agertzen diren beste hainbat edota agertu gabe gelditzen direnak. ESKUBIDEA DUGU EMAKUME IZATEAGATIK GURE KONTRAKO BIOLENTZIARIK EZ JASATEKO.
Ikasturte honen hasieratik krisiaz mintzo da mundu osoa, emakumeok betidanik bizi izan dugun krisiaz. Sistemaren krisitzat, dugun honetan berriz ere emakumeok izango gara afektatuenak eta ahaztuenak, inor gutxi gogoratzen bada ere. Krisi honen ondorioak benetan larriak izango dira emakumeontzat bereziki. ESKUBIDEA DUGU LANA BALDINTZA DUINETAN IZATEKO
Martxoak 8 honetan baina, gure gorputzaren inguruko erabaki urriak izaten jarraitzen dugula aipatu nahi dugu bereziki, gure diskurtsoaren erdian kokatuz. Osakidetzak zein Osasunbideak lehentasunak markatzeko emakumeon iritzia kontuan hartu gabe, behar ote ditugun oso garbi izan gabe txertoak ematen dizkigu, horren ordez azterketa ginekologikoak egiteko zerbitzuak zabaldu eta behar errealetara egokitu beharrean.
Ezin dugu ahaztu abortuak delitua izaten jarraitzen duela estatu honetan jendarteak kontrakoa pentsatu arren. Honen erakusle dugu 2008an klinika abortistak guztien jomugan jarri, itxi eta bertan abortatutako emakumeak deklaratzera deitu izana.
Nahiz eta legeak osasun sare publikoan abortatu daitekeela adierazi, Hego Euskal Herriko osasun sare publiko osoak eskubide hau eragozten du, bertako langile guztien kontzientzia eragozpenaren bidez. Hortaz, osasun sare publikoak ez du abortatzeko eskubidea bermatzen, ezta legeak onartzen dituen hiru egoeretan ere.
Errealitatean, oztopo asko gainditu behar dira abortatu ahal izateko: arestian aipatutako oztopo legalez gain, oztopo ekonomikoak (%95?6 osasun sare pribatuan egiten dira) eta etika zein moralaren erabilera bikoitzak sortzen duen presio soziala aipatu ditzakegu.
Informazioa eta prebentzioari dagokionez, emakumeen arretarako zentroak itxi eta osasun sistemaren barruan sartzen ari dira eta honek jasotzen den zerbitzua mugatu eta ikuspegi guztiz kliniko batetik lantzea ekarriz eta heziketa sexuala ere honetara mugatuz. Honela, abortatu duten emakumeen %67,4a ez da inolako informazio zentrotara joan inoiz.
Egun, Euskal Herrian abortatzen dugun emakumeok delitugiletzat kontsideratuak gaude eta praktikan jartzen duten medikuak ere kritika oso zorrotzak jasotzen dituzte, emakumeon segurtasuna zalantzan jartzeko punturaino. Abortuen praktika asimilatutako egoera bat da, baina amatasunari uko egitea moralki onartezina da.
Bestetik, abortuen gehiengoa sare publikotik at egiteak baliabide eskasak dituzten emakumeak aukera honetatik kanpo uzten ditu.
Eraso berri hauen aurrean feminismotik minimoak kokatu eta atzera pausu bat ere ez emateko hautua egiten dugu. Euskal Emakumeon Eskubide Kartan kokatuak ditugun eskubideak ditugu helburu:
• Eskubidea gure identitate sexuala edozein izanda ere sexualitatea askatasunez bizitzeko.
• Eskubidea gure gorputzaren inguruan askatasunez erabakitzeko eta aukeratzeko.
• Eskubidea emakumeon beharrei erantzungo dien osasun zerbitzu erabatekoa eta publikoa izateko.
Eskubide hauek errealitate bihurtzeko ondorengo aldarrikapenak egin nahi ditugu:
• ABORTUA EZ DA DELITUA, ESKUBIDEA BAIZIK. Abortuaren despenalizazioa exijitzen dugu.
• ABORTUAK LIBRE ETA DOHAKOA IZAN BEHAR DU. Ama izan edo ez modu askean erabaki ahal izateko doakoa eta gizarte segurantzak babestua izan behar du. Osasun zentruetan eskubide hau bermatua izateko bitarteko guztiak jarri behar dira.
• GU ERDITZEN BAGARA ERABAKIAK ERE GUREAK IZAN BEHAR DU. Nola erditu nahi dugun eta gure gorputzaren gaineko kontrola eta erabakia geuk izatea exijitzen dugu. Erabaki hau ezin dute hartu ez Elizak, ez politikoek eta tribunal medikuek ere.
• SEXUALITATEA EZ DA AMATASUNA SOILIK. Pertsona orok dugu gure gorputzaz gozatzeko eskubidea eta ez da zertan erreprodukziora mugatu behar.
• HEZIKETA SEXUAL INTEGRALA BEHAR DUGU. Eredu heterosexista alboratu eta antisorgailuei buruzko informazioa soilik emateari utziz, sexu harreman anitz eta askeak sortzeko tresna izan behar du heziketak.
Estatu espainolean lantzen ari den proposamen berriaren aurrean berriz, lege proposamen bihurtu arte ezin dugu baloraziorik egin, gai ezberdinen inguruko gomendioak besterik ez baitira. Gainera, proposamen honek hobekuntzak ekarrita ere parlamentuak onartu egin behar ditu; lan zaila eskuina eta Eliza katolikoaren erasoaldiaren gogortzea atzematen dugun honetan. Adibidetzat, EAJ kanpainan emakumeen eskubideen alde ozen aritu ondoren, batzorde espainiarrean proposamen hau bozkatzean abstenitu izana. Hau da bai, dialektika eta praktika uztartzea!!!
Emakumeok gure gorputzen inguruko erabakiak askatasun osoz hartzeko aukera oinarrizko eskubidea da eta hauxe oihukatzera irtengo gara kalera martxoak 8 honetan. Emakumeok, irten gaitezen kalera gure eskubideen jabe garela aldarrikatzera.
Bilgune Feminista
2009 / 03 / 03
Gehiago
abortatu abortuak ari arren askatasunez aurrean baina bat behar berri dela delitua dira direla ditu ditugu ditugun dugu dugun duten egin emakumeak emakumeen emakumeok emakumeon erabaki erabakiak eraso ere eskubide eskubidea estatu eta euskal ezin gabe gorputzaren gure gutxi hau honen honetan indarkeria informazioa inguruko izan izateko izaten jarraitzen jasotzen kalera kontrako krisiaz mugatu nahi oraindik osasun oso oztopo praktika proposamen sare sexualitatea soilik
