Espainiako administraziopean dauden instituzio burgesek, maiatzak 22an Hego Euskal Herrian izango diren hauteskundeetan parte hartzeko deia zabaltzen dute, udaletxeak, diputazioak eta Iruñako parlamentu autonomista nork gobernatuko dituen aukeratzeko.

Europar lege xenofobo eta arrazisten erruz eta langile klasea zatitzeko asmoz, Euskal Herrian bizi diren etorkin askok ez dute bozkatzeko aukerarik izango. Eta nola ez, Madrilen erabakitzen dute Alderdien Legeen bitartez aurkeztu ahal diren alderdiak, Sortu bezalako zerrenda elektoralaren aurka jotzen eta PCE(r) bezalako erakunde komunistak ilegalizazioan mantenduz. Bere hierarkia eta buruzagien izaera faxista eskutatzen ez duen estatuak, honen aurka borrokatu diren gizon-emakume oro espetxeetan bahituta mantentzen ditu. Bere Konstituzioak, eskuindar-burgesen eskuz idatzitakoa, euskal langileriaren eskubideen eta gure nazioaren ukazioari eusten dio.

Estatuak argi uzten du zein den bere klasearen kutsua eta zeintzuk diren defendatzen dituen interesak. Azken 80 urteetako krisirik gogorrenaren erasoak 200.000 langile utzi ditu langabezian. Pentsioen erreforma, negoziazio-kolektiboaren erreforma eta lan erreforma eraso bortitz honen zati bat soilik dira,  eta guzti hauen arduradunak ez dira PSOE-PSE bakarrik, PNV eta langile klasearen bizi baldintzen kontura, krisi honen kolpekari izatera mugatu diren UGT eta CCOO-eko sindikatuak ere errudun dira.

Egoera honen aurrean, justuak diren nahiak ordezkatzen ez dituzten erakundeen bitartez bizitza politikoan parte hartzera bultzatzen dute gure herria. Klaseen borrokak Euskal Herriko langileen eskaerentzako erantzunak exijitzen jarraitzen du. Kapitalismoaren barruan, monopolioak eta bankuak eragile ekonomiko bezala legitimatzen dituen irtenbide sozialdemokrata bat ezin daiteke izan helburu finala.

Gure herriaren berehalako etorkizuna hautestontzietan ez dagoela uste dugu, eta bai klaseen arteko borrokan eta organizazioan, euskal langileriaren Erakundearen sorkuntzara bideraturiko langile eta herri-indarren metaketan zentratu behar gara, gure borroka adierazten eta berresten duen programa eta Alderdi baten bidez.

"El arma no es lo fundamental, sino el ser humano que está detrás de ese arma"